चार महिनामै फेरिए मन्त्रालयको नीति, योजना तथा अनुगमन महाशाखा प्रमुख

काठमाडौं—स्वास्थ्य तथा खाद्य स्वच्छतामन्त्री निशा मेहताले चार महिनामै मन्त्रालयको नीति, योजना तथा अनुगमन महाशाखाको नेतृत्व परिवर्तन गरेकी छन् । ५ भदौंमा मन्त्रीस्तरीय निर्णय गर्दै मेहताले महाशाखा प्रमुख डा. गुणनिधि शर्माको सरुवा गरेकी छन् ।

डा. शर्मालाई राष्ट्रिय क्षयरोग केन्द्र पठाइएको छ । उनको ठाउँमा डा. विवेककुमार लाललाई ल्याइएको छ ।

डा. शर्मा २ बैशाखमा स्वास्थ्य मन्त्रालयको नीति, योजना तथा अनुगमन महाशाखा प्रमुख बनेका थिए ।

क्षयरोग केन्द्रका निर्देशक रहेका डा. भुवन पौडेललाई मन्त्रालय तानिएको छ ।