कोशी अस्पताल विकास समितिको अध्यक्षमा घिमिरे नियुक्त

काठमाडौं—स्वास्थ्य तथा खाद्य स्वच्छता मन्त्रालयले कोशी अस्पताल विकास समितिमा नयाँ पदाधिकारी नियुक्त गरेको छ । सोमबार स्वास्थ्य तथा खाद्य स्वच्छतामन्त्री निशा मेहताले अस्पतालको विकास समितिका नवनियुक्त अध्यक्ष सुमित घिमिरेलाई नियुक्तिपत्र प्रदान गरेकी हुन् ।

नवनियुक्त अध्यक्ष घिमिरे मोरङका स्थायी वासिन्दा हुन् ।

त्यस्तै, समितिको सदस्यमा ललिता सरदार, नूतन नौलखा र मजहर हुसेनलाई मनोनयन गरिएको मन्त्रालयले जनाएको छ ।

मन्त्रालयले अस्पतालको सेवा प्रवाहलाई थप प्रभावकारी बनाउँदै विकास समितिमार्फत अस्पतालको व्यवस्थापन र संस्थागत सुधारलाई अघि बढाउने अपेक्षा राखेको उल्लेख गरेको छ ।