भेरी अस्पताल विकास समितिको अध्यक्षमा सिग्देल, डडेल्धुरा अस्पताल विकास समिति अध्यक्षमा पाण्डे

काठमाडौं—स्वास्थ्य तथा खाद्य स्वच्छता मन्त्रालयले भेरी र डडेल्धुरा अस्पताल विकास समितिका अध्यक्ष नियुक्त गरेको छ । मन्त्रालयले भेरी अस्पताल विकास समितिको अध्यक्षमा लक्ष्मण सिग्देल र डडेल्धुरा अस्पताल विकास समितिको अध्यक्षमा त्रैलोक्यनाथ पाण्डेलाई नियुक्त गरेको हो ।

यस्तै, मन्त्रालयले सुशील कोइराला प्रखर क्यान्सर अस्पताल विकास समितिको अध्यक्षमा भीमकान्त लामिछानेलाई नियुक्त गरेको छ । यस्तै, सदस्यहरुमा सञ्जय पाण्डे र मधु न्यौपानेलाई नियुक्त गरेको मन्त्रालयले जनाएको छ ।

शुक्रबार स्वास्थ्य तथा खाद्य स्वच्छतामन्त्री निशा मेहताले भेरी अस्पताल, डडेल्धुरा अस्पताल र सुशील कोइराला प्रखर क्यान्सर अस्पतालका नवनियुक्त अध्यक्षलाई पद तथा गोपनीयताको सपथ गराएकी छन् ।