कोरोना अपडेट : स्पेनका नागरिक भाँडा ठटाउँदै एक-आपसमा हौसला बाड्दै [फोटो फिचर]

हेल्थ आवाज बुधबार, २०७६ चैत्र ५ गते, १६:१३ मा प्रकाशित

यस तस्विर म्याड्रिडको हो। शपिङ्ग मलका कर्माचारी र फ्ल्याटमा रहने व्यक्ति यस एकतामा सहभागी भएको देख्न सकिन्छ।

म्याड्रिड – स्पेनमा बुधबार विहानसम्म कोरोना भाइरसको ११ हजार ८ सय २६ केस देखिएको छ। उक्त रोगबाट मृत्यु हुनेको संख्या ५ सय ३३ पुगेको छ। कोरोना भाइरसको प्रभाव बढेसँगै त्यहाँका अधिकांश शहर ‘लकडाउन’ गरिएको छ।

यस तस्बिरमा मेडिकल स्टाफकी एक कर्मचारी मानिसको अभिवादन स्वीकार गर्दै छिन्।

यसैबीच एकआपसमा एकजुट भई हौसला बढाउने काम स्पेनका बासीहरुले गरेका छन्। म्याड्रिड लगायत धेरै शहरमा बस्ने बासिन्दाहरुले ८ बज्ने वित्तिकै आफ्नो घरको बालकोनी, भर्याङ्गमा बसेर सिट्टी, भाडा र ताली बजाउदै महामारीबाट लड्ने संदेश फैलाइरहेका छन्।

मानिस आफ्नो घरको झ्यालबाट ताली बजाएर हौसला बढाई रहेका छन्।

शहरहरु लकडाउन भएपछि त्यहाँका बासीले आफुलाई सन्तुलित राख्नको लागि नयाँ-नयाँ तरिका अपनाई रहेको जानकारी छ। केहि युवाले अनलाइन जुम्बा, डान्स क्लास गर्ने गरेका छन्। यस्तो क्रियाकलापले शासन र मेडिकल स्टाफ प्रति कृतज्ञता जताउने बासीन्दाको मान्यता छ। संक्रमण बढ्दै गएको कारण यहाँ एकआपसमा ५ फिट दुरीमा बस्ने सल्लाह दिइएको छ।