विपी प्रतिष्ठान विरुद्ध डा. खरालद्वारा सर्वोच्चमा रिट

काठमाडौं—डा. पुष्पमणि खरालले एक तिहाइभन्दा बढी विदेशी विद्यार्थी भर्ना लिने धरानस्थित विपी कोइराला प्रतिष्ठानको निर्णय कानुन विपरित भएको भन्दै सर्वोच्च अदालतमा रिट दायर गरेका छन् ।

मंगलबार डा. खरालले प्रतिष्ठान विरुद्ध स्वास्थ्य तथा जनसंख्या मन्त्रालयलाई समेत विपक्षी बनाई मुद्दा दायर गरेका हुन् ।

यस्तै, रिटमा चिकित्सा शिक्षा आयोग र नेपाल मेडिकल काउन्सिललाई पनि विपक्षी बनाइएको छ ।

यसअघि प्रतिष्ठानले चिकित्साशास्त्रतर्फको स्नातकोत्तर कार्यक्रमका लागि भर्ना खोल्दा चिकित्सा शिक्षा ऐन, २०७५ विपरित एक तिहाइभन्दा बढी विदेशी विद्यार्थी भर्ना लिने गरी भर्ना खोलेको थियो ।