छाला क्यान्सरलाई घटाउनुछ भने खानामा भिटामिन ‘ए’ युक्त खानेकुराहरु सामेल गर्न फाइदाजनक देखिएको छ । अमेरिकाको ब्राउन युनिभर्सिटीमा गरिएको एक अनुसन्धानकाअनुसार भिटामिन ‘ए’ १७ प्रतिशतसम्म छालाको क्यान्सरको खतरा घटाउँछ । अनुसन्धानकर्ताहरुकाअनुसार भिटामिन ‘ए’ ले छाला तथा शरीर विकासमा महत्वपूर्ण भूमिका निभाउँछ ।
ब्राउन युनिभर्सिटीका एशोसियट प्रोफेसर युनयांग चोकाअनुसार छालाको क्यान्सरमा स्क्वैमस सेल कार्सिनोमा पनि सामेल छ, जसलाई रोक्न एकदमै गाह्रो देखिन्छ । तर, हालैको शोधमा डाइटमा भिटामिन ‘ए’ मिलाउने हो भने यसको खतरा कम गर्न सकिने देखिएको छ । भिटामिन ‘ए’ ले सुर्यको किरणबाट शरीरमा हुने नकारात्मक असर समेत कम गर्छ ।
अमेरिकन मेडिकल एशोसिएसन डर्मोटोलोजीकाअनुसार यो अनुसन्धान धेरै लामो समयसम्म चलेको थियो । १९८४ देखि २०१२ को बीचमा यो शोध १ लाख २१ ह्जार ७ सय महिलामा गरिएको थियो । यसका अलावा सन् १९८६ देखि सन् २०१२ को अवधिमा ५१ हजार ५ सय २९ अमेरिकी पुरुषहरुलाई पनि यो अनुसन्धानमा सामेल गरिएको थियो ।
उनीहरुको डाइटमा भिटामिन ‘ए’ युक्त फलफूल र तरकारीहरु सामेल गरिएको थियो । अनुसन्धानमा महिला र पुरुषको डाइट र स्कीन तथा क्यान्सरको बीचको सम्बन्ध अध्ययन गरिएको थियो ।
एजेन्सीको सहयोगमा
