लन्डन—बेलायतका प्रधानमन्त्री बोरिस जोनसनले देशमा भेटिएको कोभिड—१९ को नयाँ भेरियन्ट बढी खतरानाक भएको बताएका छन् । उनले बेलायतमा बढिरहेको मृत्युदरको आँकडाको कारण पनि यही हुन सक्ने आशंका व्यक्त गरेका छन् ।
कोभिड—१९ को नयाँ भेरियन्ट अघिल्लो महिना सबैभन्दा पहिलो बेलायतमा भेटिएको थियो । प्रधानमन्त्री जोनसन कोभिड—१९ को नयाँ भेरियन्टबारे पहिलो पटक बोलेका हुन् ।
शुक्रबार उनले भने, ‘हामीलाई जानकारी प्राप्त भएको छ कि नयाँ भाइरस एकदमै तेज रुपमा फैलन्छ । यसका बारेमा केही प्रमाणहरु पनि हामीलाई प्राप्त भएका छन् । सबैभन्दा पहिले यो लन्डनमा पत्ता लागेको थियो । हुन सक्छ यही कारण मृत्युको आँकडा बढिरहेको हो ।’
बेलायत सरकारका पूर्व प्रमुख विज्ञान सल्लाहकार डा. पैट्रिक वान्लेसले पनि प्रधानमन्त्रीको जोनसनको विचारको समर्थन गरेका छन् । उनले भने, ‘हाम्रा अगाडि तथ्यांक छ र यसलाई नकार्न सकिदैन् । तर, यो पनि सत्य हो कि अहिले पनि केही प्रश्नहरुको उत्तर प्राप्त हुन बाँकी छ ।’