भारतमा लगातार बढ्दै कोरोना केस, एकैदिन थपिए ९३ हजारभन्दा बढी संक्रमित

भारतमा दिनानुदिन कोरोना संक्रमण तीव्र रुपले वृद्धि भैरहेको छ। पछिल्लो २४ घण्टामा मात्रै थप ९३ हजार २ सय ४९ जनामा कोरोना संक्रमण पुष्टि भएको छ।

यससँगै सबैभन्दा बढी संक्रमित राष्ट्रको ५ औं स्थानमा पुगेको छ। यसअघि १६ सेप्टेम्बरमा एकैदिन ९७ हजार ८ सय ६० जनामा कोरोना संक्रमण पुष्टि भएको थियो । त्यसपछि भारतमा कोरोना संक्रमितको संख्या कम हुन थालेको थियो ।

यता, एकैदिन ५ सय १३ जना संक्रमितले ज्यान गुमाएका छन्।

गत शुक्रबार मात्रै ८३ हजार भन्दा बढीमा कोरोना संक्रमण पाइएको थियो। जहाँ अमेरिकामा ७० हजार २४ जना र ब्राजिलमा ६९ हजारभन्दा बढीमा कोरोना संक्रमण पुष्टि भएको थियो। यदी दिनप्रतिदिन संक्रमितको संख्या यहि गतिमा बढ्ने हो भने ब्राजिललाई पनि उच्छिने विज्ञहरुको भनाई छ।

-एजेन्सी