चौतर्फी विरोधपछि चीनले खुकुलो पार्‍यो लकडाउन

देशमै लकडाउनबारे चौतर्फी बिरोध भएपछि चीनले कोभिड-१९ विरुद्ध अपनाइरहेको नीतिहरू केही खुकुलो गर्ने भएको छ ।

कोभिडका बिरामीहरू अब आफ्नै घरमा छुट्टिएर बस्न पाउने भएका छन् । पहिले प्रान्तका आइसोलेसनमा बस्नुपर्ने स्थितिलाई खुकुलो बनाउँदै चीन सरकारले यो नीति अपनाएको हो ।

अब चिनियाँहरूले कुनै पनि भेन्यु तथा यात्राका लागि बाहिर जान कोभिड टेष्ट रिपोर्ट देखाउन नपर्ने भएको छ । सरकारको यो घोषणासँगै उनीहरूले खुसी मनाएका छन् भने एक्कासी भएको परिवर्तनमा आशंङ्कित पनि भएका छन् ।

विदेशी सञ्चारमाध्यमको अनुसार हाल त्यहाँका मानिसहरूले स्वतन्त्र महसुस गरिरहेका छन् । केही समयअघि घटेको आगलागीको घटनाले त्यहाँका मानिसहरू आन्दोलित भएका थिए ।