उपचारका क्रममा डा. राजाराम कार्कीको निधन

काठमाडौं—डा. राजाराम कार्कीको निधन भएको छ । बुधबार वीर अस्पतालमा उपचारका क्रममा ६४ वर्षको उमेरमा उनको निधन भएको हो ।

नेपाल चिकित्सक संघले डा. कार्कीको निधनले असामयिक निधनले नेपाल चिकित्सक संघलाई अपुरणीय क्षति भएको जनाएको छ । उनी संघका आजीवन सदस्य रहेका थिए ।

‘डा. कार्कीले नेपालको चिकित्सा शिक्षा र स्वास्थ्य सेवामा पु¥याउनुभएको अतुलनीय योगदान सबैको मानसपटलमा सदा सर्वदा स्मरणयोग्य रहनेछ,’ संघका महासचिव डा. संजीव तिवारीले जारी गरेको विज्ञप्तिमा भनिएको छ, ‘इमान्दार लगनशील र प्रतिष्ठित चिकित्सकलाई गुमाउन पुगेकोले नेपाल चिकित्सक संघ परिवार अत्यन्त मर्माहत भएको छ ।’

धादिङका डा. कार्की पूर्व प्रदेशसभा सदस्यसमेत हुन् । उनी क्यान्सर रोगबाट पीडित थिए ।