काठमाडौं–मेटलाइफ नेपालले सिवेक हस्पिटलसँग सहकार्य गर्दै आफ्ना ग्राहकका लागि स्वास्थ्य सेवामा थप सुविधा विस्तार गरेको छ । यस सहकार्यअन्तर्गत वान बाई मेटलाइफको डिजिटल लाइफ कार्ड भएका ग्राहक तथा उनीहरूका योग्य परिवारका सदस्यहरूले काठमाडौं र पोखरास्थित सिवेक हस्पिटलमा उपलब्ध केही डायग्नोस्टिक सेवामा विशेष छुट प्राप्त गर्न सक्नेछन् ।
यस सहकार्यअन्तर्गत योग्य डिजिटल लाइफ कार्ड भएका ग्राहक तथा उनीहरूका आश्रित परिवारका सदस्यहरू—आमाबुबा, पति वा पत्नी तथा छोराछोरी—ले इन–हाउस ल्याबोरेटरी सेवामा १० प्रतिशत, रेडियोलोजी सेवामा १० प्रतिशत र सीटी सेवामा १५ प्रतिशत छुट प्राप्त गर्न सक्नेछन् ।
स्थानीय तथा अन्तर्राष्ट्रिय बिरामीलाई गुणस्तरीय स्वास्थ्य सेवा प्रदान गर्दै आएको सिवेक हस्पिटल बिरामी केन्द्रित सेवा र अन्तर्राष्ट्रियस्तरको चिकित्सा सेवाका लागि परिचित छ । नेपालमा बसोवास गर्ने व्यक्ति, विदेशी नागरिक, कूटनीतिज्ञ, व्यवसायी तथा पर्यटकहरूका लागि समेत सिवेक एक विश्वसनीय स्वास्थ्य सेवा प्रदायकका रूपमा स्थापित छ ।
यस सहकार्यसँगै मेटलाइफका ग्राहकले सिवेकका केही स्वास्थ्य सेवामा विशेष दरमा सेवा लिन सक्नेछन्, जसले वान बाई मेटलाइफ एपमार्फत उपलब्ध सुविधाहरूमा थप मूल्य अभिवृद्धि गर्नेछ ।
