धादिङ बस दुघर्टनाः बिरामीलाई ट्रमा सेन्टर ल्याइयो

धादिङको मलेखु भण्डारा सडकस्थित  तुनीखोलामा भएको बस दुर्घटनामा घाइते भएका यात्रुलाई उपचारका लागि ट्रमा सेन्टर ल्याइएको छ । बिहीबार  बिहान करीब ९ बजेतिर भएको उक्त दुर्घटनामा  घाइते भएका यात्रुमध्ये ७ जना लाई उपचारका निम्ति ट्रमा सेन्टर ल्याइएको हो । बाँकि अन्यलाई भने उपचारको निम्ति धादिङकै राजमार्ग सामुदायिक अस्पताल र गजुरी सामुदायिक अस्पताल पु¥याईएको छ ।

ग १ ज ३०११ नम्बरको बोलेरो जिप ताल्कीबाट पृथ्वी राजमार्गको मलेखुतर्फ फर्कने क्रममा उक्त दुर्घटना भएको थियोे । दुर्घटनामा परेको बोलेरो जिप सडकदेखि ७० मिटर तल रहेको तुनीखोलामा खसेको स्रोतले जनाएको छ ।  जिपमा २१ जना यात्रु सवार थिए ।

घाइतेहरुको हाल उपचार भइरहेको जानकारी ट्रमा सेन्टरका वरिष्ठ हाडजोर्नी विशेषज्ञ दिपेन्द्र पाण्डेले हेल्थ आवाजलाई दिए । घाइतेको अवस्था आवश्यक जाँच पछि मात्रै यकिन गर्न सकिने उनले बताए ।