पर्साका बिन्दवासनी गाँउपालिका उपमेयरद्वारा १ सय १० पत्रकारलाई स्वास्थ्य सुरक्षा सामग्री वितरण

जनकपुर –  कोरोना भाइरसको जोखिममा फ्रन्ट लाईनमा बसेर काम गर्ने पर्साका क्रियाशिल पत्रकारलाई गाउँपालिकाका उपमेयरले  स्वास्थ्य समाग्री बितरण गरेकोे छ ।  कोभिड १९ बाट बच्न भन्दै विन्दवासनी गाँउपालिकाले जिल्लामा कार्यरत १ सय १० जना पत्रकारलाई शुक्रबार स्वास्थ्य सुरक्षा सामाग्री वितरण हो ।

नेपाल पत्रकार महासंघ पर्साको सभाहलमा आज एक कार्यक्रमका बिच उपमेयर किरण देवी गुप्ताले सो समाग्री हस्तान्तरण गरेकी हुन । सामग्री वितरण गर्दै उनले भनिन कोरोनाको संक्रमण बढ्दै जाँदा स्वास्थ्यकर्मी, सुरक्षाकर्मी जस्तै फिल्डको रिपोर्टिङमा खटिने सञ्चारकर्मी पनि जोखिममा रहेको भन्दै स्वास्थ्य सुरक्षा सामग्री उपलव्ध गराएको बताइन ।

नेपाल पत्रकार महासंघ पर्साका अध्यक्ष श्याम बन्जाराले स्वास्थ्य सामग्री उपलव्ध गराउने पालिकालाइ धन्यवाद दिँदै विश्वव्यापी संकटलाई मिलेर सामना गर्नुपर्ने बताए ।