श्वासप्रश्वासमा समस्या देखिए पछि मेयर यादवलाई हेलिकप्टरबाट उपचारका लागि काठमाडौं लगियो

जनकपुर – पर्साको पर्सागढी नगरपालिकाका प्रमुख लोकनारायण यादवलाई थप उपचारका लागि काठमाडौं पुर्याइएको छ । मेयर यादवलाई श्री एयरलाइन्सको हेलिकप्टरबाट सोमबार काठमाडौँ लगिएको हो ।

श्वासप्रश्वासको समस्या, रुघाखोकी र ज्वरो आएपछि नगरप्रमुख यादवलाई गएको २३ गते वीरगञ्जस्थित तराई हस्पिटलमा भर्ना गरिएको थियो । यादवलाई गम्भीर किसिमको निमोनियाको लक्षण देखिएको तराई अस्पतालले जनाएको थियो ।  अस्पतालमा उपचारकै क्रममा प्रमुख यादवको थ्रोव स्वाबको पिसिआरमा रिपोर्ट भने नेगेटिभ आएको थियो ।