२०८३ मंसिर २, बुधवार
Health Aawaj logo
गृहपृष्ठ ∕ प्रदेश २ ∕ विभागमा दर्ता नभएको औषधीको तस्करी

विभागमा दर्ता नभएको औषधीको तस्करी


विराटनगर– औषधी व्यवस्था विभागमा दर्ता नभएको औषधी भारतबाट नेपाल तस्करी हुने गरेको पाइएको छ । खुल्ला सीमाको फाइदा उठाउँदै सीमावर्ती क्षेत्रबाट विराटनगरमा औषधी तस्करी हुने गरेको पाइएको हो ।

प्रहरीले विराटनगर –१३ जतुवा नहरबाट भारतबाट तस्करी भएको ठूलो परिमाणको औषधी शनिबार बरामद गरेको छ । अबैध रुपमा भन्सार छली गरि झोलामा बोकी ल्याउदै गरेको तीन लाख २१ हजार ४ सय २४ रुपैयाँको औषधी बरामद गरेको मोरङ प्रहरीका प्रवक्ता डिएसपी रन्जन कुमार दाहालले जानकारी दिए ।

प्रहरीले ओकेरोन, माइकोफिट, ग्यासनोल नामको औषधी बरामद गरेको हो । बरामद गरेको औषधी विभागमा दर्ता नभएको पाइएको छ । बरामद ओकेरोन औषधी अल्सर भएर बलिडिङ्ग हुँदा प्रयोग हुने चिकित्सकले बताएका छन् । प्रहरीले सबैभन्दा बढी ओकेरोन औषधी बरामद गरेको छ ।

नेपालमा भन्दा भारतमा सस्तोमा औषधी पाउने भएकोले क्यारिङमार्फत तस्करी हुने गरेको छ । यहाँका केही फर्मेशीहरूले क्यारिङ प्रयोग गरी तस्करीमार्फत औषधी ल्याउने गर्दछन् । प्रहरीले औषधी बरामद गरेपनि क्यारि गर्ने तस्करलाई भने समाएको छैन । प्रहरीलाई देखेपछि औषधी ल्याउने फरार भएको डिएसपी दाहालले बताए ।

फरार भएकाको पनि खोजी कार्य तिव्र बनाएको छ । बरामद गरेको औषधी प्रहरीले औषधी व्यवस्था कार्यालय विराटनगरमा बुझाएको छ ।


क्याटेगोरी : प्रदेश २, समाचार



तपाईको प्रतिक्रिया दिनुहोस


ट्रेण्डिङ