२०८३ मंसिर २, बुधवार
Health Aawaj logo
गृहपृष्ठ ∕ प्रदेश १ ∕ उच्च अदालत विराटनगरका एक न्यायाधीशलाई कारोना संक्रमण

उच्च अदालत विराटनगरका एक न्यायाधीशलाई कारोना संक्रमण


विराटनगर– उच्च अदालत विराटनगरका एकजना न्यायाधीशलाई कोरोना संक्रमण पुष्टि भएको छ । कोशी अस्पतालको ल्याबमा गरिएको पिसिआर परीक्षणमा उनमा संक्रमण पुष्टि भएको हो ।

सोमबार स्वाब संकलन गरिएको न्यायाधीशको मंगलबार साँझ संक्रमण देखिएको उच्च अदालत विराटनगरका रजिष्ट्रार जितेन्द्रबावु थपलियाले जानकारी दिए । संक्रमित न्यायाधीश होम आइसोलेनमा रहेको उनले बताए ।

संक्रमित न्यायधीशको सवारी चालकलाई केहिदिन अघि संक्रमण पुष्टि भएको थियो । चालकलाई संक्रमण देखिएपछि न्यायाधीशले परीक्षणको लागि स्वाब दिएका थिए ।

यसअघि मोरङ अदालतका एकजना न्यायाधीशलाई संक्रमण पुष्टि भएको थियो ।

मंगलबार विराटनगर महानगरपालिका भित्र २४ जना नयाँ संक्रमित थपिएका छन् । हालसम्म विराटनगरमा संक्रमितको संख्या ८ सय ५५ पुगेको छ । मंगलबार ८६ जना डिस्चार्ज भएको विराटनगर महानगरपालिकाको स्वास्थ्य महाशाखा प्रमुख रमेश कार्कीले जानकारी दिए ।


क्याटेगोरी : प्रदेश १, समाचार



तपाईको प्रतिक्रिया दिनुहोस


ट्रेण्डिङ