२०८१ साउन १, मंगलबार
Health Aawaj logo
गृहपृष्ठप्रदेश १प्रदेश जनस्वास्थ्य प्रयोगशालामा पाठेघरको क्यान्सर परीक्षणसहितका नयाँ सेवा थपिए

प्रदेश जनस्वास्थ्य प्रयोगशालामा पाठेघरको क्यान्सर परीक्षणसहितका नयाँ सेवा थपिए


विराटनगर—विराटनगरस्थित कोशी प्रदेश जनस्वास्थ्य प्रयोगशालामा पाँच वटा नयाँ परीक्षण सेवा सुरू भएका छन् । सोमबारदेखि प्रयोगशालामा थप पाँच वटा परीक्षण सेवा सुरु गरिएको हो ।

नयाँ थपिएका सेवाको उद्घाटन कोशी प्रदेशकी स्वास्थ्यमन्त्री निर्मला लिम्बुले गरिन् । प्रयोगशालामा हेपटाइटिज बी, सी, पाठेघरको क्यान्सरको जाँच पनि अब प्रदेश जनस्वास्थ्य प्रयोगशालाबाट सुरू भएको प्रदेश जनस्वास्थ्य प्रयोगशालाका निमित्त निर्देशक प्रणवकुमार यादवलले बताए । पाठेघरको क्यान्सरको जाँच पिसिआर प्रविधीबाट गरिने उनले बताए ।

यस्तै, एचएलएबी २७ पिसिआर टेष्ट र माइक्रोबायोलोजी कल्चर सेवाको पनि परीक्षण गरिन सुरु गरिएको उनले बताए । नयाँ सुरु भएका सेवाहरुको परीक्षण प्रदेश जनस्वास्थ्य ल्याबको आधुनिक उपकरणहरूबाट परीक्षण हुने उनले बताए । ‘यसअघि प्रदेशबाट हुने यी सेवाहरु लिन बाहिर जानुपर्ने र चर्को शुल्क खर्चिनुपर्ने अवस्था थियो,’ उनले भने, ‘कोशी प्रदेशका बिरामीले स्थानीयस्तरमा गुणस्तरीय सेवा अब पाउनेछन् ।’

गत मंसिर २१ गते तीन तले सुविधासम्पन्न प्रदेश जनस्वास्थ्य प्रयोगशालाबाट ल्याब परीक्षण हुँदै आएको छ । यहाँ रक्त समूहबाट गरिने हेमाटोलोजीको परीक्षण हुने गरेको छ । यसबाट धेरै प्रकारको रोगको परीक्षण गर्न सकिने बताइएको छ ।

प्रयोगशालामा तीन वटा शाखाहरु छन् । एउटा नसर्ने रोगमा युरिक एसिड, कलेजो, मुटु, मिर्गौलाको रोग, जन्डिस, सुगरका रोग परीक्षण हुने गरेको छ । तेस्रो तलामा सरुवा रोगहरुको परीक्षण हुने शाखा रहेको छ । जसमा एचआई, हेपाटाइटिस, डेंगी, कालाजार, मलेरियालगायतका रोगको परीक्षण हुने गरको छ । यो सँगै कोभिड—१९ को पिसिआर परीक्षण पनि हुने गर्दछ ।

प्रयोगशाशालामा आर्थिक वर्ष २०७९/२०८० को चैत्र महिनासम्म ४ करोड रुपैयाँ बराबरको निःशुल्क परीक्षण गरेको जनाएको छ ।


क्याटेगोरी : प्रदेश १, समाचार



तपाईको प्रतिक्रिया दिनुहोस


ट्रेण्डिङ