उर्लावारीको मंगलबारे अस्पताललाई ५० शैय्याको बनाउने मन्त्रिपरिषद्को निर्णय

विराटनगर-मोरङको उर्लावारीमा रहेको मंगलबारे अस्पताललाई ५० शैय्याको अस्पताल बनाउने प्रदेश १ को मन्त्रिपरिषद बैठकले निर्णाय गरेको छ । मुख्यमन्त्री तथा मन्त्रिपरिषदको कार्यालयमा सोमबार बसेको बैठकले यस्तो निर्णय गरेको हो ।

जिल्लास्तरीय अस्पताललाई प्रदेश सरकारले ट्रमा सेन्टरको रुपमा विकास गर्दै ५० शैय्याको बनाएर प्रदेश मातहत ल्याउने निर्णय गरेको प्रदेश १ को आन्तरिक मामिला तथा कानुन मन्त्री एवं प्रदेश सरकारको प्रवक्ता हिक्मत कार्कीले जानकारी दिए ।

बैठकले सामाजिक विकास मन्त्रालयमा तीन प्राविधिकसहित सात जनाको दरबन्दी कायम गर्ने निर्णय पनि गरेको छ । स्वास्थ्य शिविर सञ्चालन कार्यविधीलाई स्वीकृत गरेको मन्त्री कार्कीले जानकारी दिए ।