विराटनगर महानगरले साढे २ लाखलाई हात्तीपाइलेको औषधी खुवाउँदै

विराटनगर– विराटनगर महानगरपालिकामा यहि माघ २५ र २६ गते हातीपाइले रोग विरुद्ध औषधि सेवन कार्यक्रम संचालन हुने भएको छ ।
राष्ट्रिय हातीपाइले रोग निवारण कार्यक्रम अन्र्तगत महानगरपाकिाले दुई दिनसम्म हात्तीपाइले औषधी खुवाउने भएको हो ।
विराटनगर महानगरपालिका जनस्वास्थ्य महाशाखालेले विराटनगरमा आयोजना गरेको छलफल कार्यक्रममा यसपटक नयाँ तरिकाले हात्तिपाइले औषधी सेवन गराइने जानकारी दिइयो । महानगर क्षेत्रमा २ लाख ४७ हाजार ४ सय जनालाई हातिपाइले औषधि खुवाउने लक्ष्य रहेको महाशाखा प्रमुख रमेश क्षेत्रीले जानकारी दिए । विगतमा हातीपाईले विरुद्धको औषधि खुवाउने अभियान प्रभावकारी नहुदा ६ चरणमा सक्नुपर्ने यो अभियान ९ पटक संचालन हुन लागेको हो ।
हातिपाईले रोग विरुद्धको औषधिले कुनै साईड इफेक्ट नपार्ने र यो औषधि सेवनमा वाट अहिले सम्म कसैको मृत्यु नभएकाले निर्धक भएर औषधि सेवन गर्न समेत महाशाखा प्रमुख कार्कीले महानगरवासीलाई आग्रह गरे ।
विराटनगर महानगरपालिका क्षेत्रमा कार्यक्रमलाई प्रभावकारी वनाउन महागरपालिका क्षेत्रमा २ सय ५० जना स्वास्थ्यकर्मी, १ सय ४८ जना स्वयं सेविका परिचालन गर्ने भएको छ । महानगरपालिकाको १९ वटै वडामा केन्द्र स्थापना गरेर हातिपाइले रोग विरुद्ध औषधि खुवाउने कार्यक्रम रहेको छ ।
विराटनगर महानगरपालिकाका प्रमुख भिम पराजुलीले हातीपाइले रोग विरुद्धको औषधि सेवनमा डर र कुनै शंखा नर्गन आग्रह गरे । उनले यो अभियानलाई सफल वनाउन राजनितिकदलका नेता,स्थानिय निकाय प्रमुख तथा सरकारी कार्यालयका प्रमुखहरुले औषधि खाएर कार्यक्रमको शुभारम्भ गरिने बताए ।
सन २०२० सम्म हातीपाइले रोग नियन्त्रणगर्ने सरकारको लक्ष्य रहेको छ । अहिलेपनिे सहरी क्षेत्रमा औषधि सेवन अभियान प्रभावकारी नहुदा समस्या हुने गरेको छ । विराटनगर महानगरपालिका क्षेत्रमा गत वर्ष ५९ प्रतिशतिले मात्र हात्तिपाइले ओषध सेवन गरेको बताइएको छ ।