सेती प्रादेशिक अस्पताललाई ३ सय शैय्याको बनाइने

धनगढी—सुदूरपश्चिम प्रदेश प्रमुख रिफरल अस्पतालका रुपमा रहेको सेती प्रादेशिक अस्पताललाई तीन सय शैय्याको बनाउन प्रक्रिया अघि बढाइएको छ ।

प्रदेशको मन्त्रिपरिषदको बिहिबार बसेको बैठकले सेती प्रादेशिक अस्पताललाई तीन सय शैय्या बनाउने तयारी अगाडि बढाउने निर्णय गरेको हो ।

क्याबिनेटले विस्तृत परियोजना अध्ययन (डिपीआर) प्रतिवेदन तयार गरी त्यसको अनुमानित लागत, डिजाइन र टेण्डरका लागि समेत गरी एक करोड रुपैयाँ बजेट समेत स्वीकृत गरेको छ ।

प्रदेश सरकारकी प्रवक्ता आन्तरिक मामिला तथा कानुन मन्त्री पूर्णा जोशीले सेती प्रादेशिक अस्पताललाई तीन सय शैय्याको बनाउन प्रक्रिया अगाडि बढाइएको जानकारी दिइन् ।

अहिले सेती प्रादेशिक अस्पताल १ सय २५ शैय्याको रहेको छ ।