२०८१ असार ११, सोमबार
Health Aawaj logo
गृहपृष्ठटिप्सजाडोमा कपाल सुख्खा र फुस्रो हुने समस्याबाट छुटकारा पाउने उपायहरू

जाडोमा कपाल सुख्खा र फुस्रो हुने समस्याबाट छुटकारा पाउने उपायहरू


जाडोमा छालाको मात्र होइन कपाललाई पनि अतिरिक्त हेरचाहको आवश्यकता हुन्छ । चिसो हावाको कारण, कपाल धेरै सुख्खा र फुस्रो हुन्छ । यस्तो अवस्थामा कपालको सुख्खापन हटाउन धेरैले महँगो हेयर केयर प्रोडक्ट प्रयोग गर्छन् । तर तिनीहरूको प्रभाव केही समयको लागि मात्र रहन्छ ।

बजारमा उपलब्ध अधिकांश उत्पादनहरूमा हानिकारक रसायनहरू हुन्छन् । जसले तपाईँको कपाललाई हानि पुर्याउँछ । जाडोमा कपाल सुख्खा र फुस्रो हुने समस्या समाधान गर्न तपाईँले केही प्राकृतिक चीजहरू प्रयोग गर्न सक्नुहुन्छ । आज यस लेखमा हामी तपाईँलाई त्यस्ता ५ कुराको बारेमा बताउन गइरहेका छौँ, जसको मद्दतले तपाईँको कपाल नरम र चम्किलो बनाउन सक्नुहुन्छ ।

दही

दहीले कपाललाई पोषण र मोइस्चर प्रदान गर्ने काम गर्छ । जाडोमा कपाल सुख्खा र चिसो हुने भएमा दही लगाउन सक्नुहुन्छ । यसका लागि एउटा भाँडोमा दही लिनुहोस् । यसमा एक चम्चा बदामको तेल हालेर राम्ररी घोल्नुहोस् । अब यसलाई आफ्नो कपालमा लगाउनुहोस् र ३० मिनेटसम्म यतिकै राख्नुहोस् । त्यसपछि हल्का स्याम्पुले कपाल धुनुहोस् । यसले तपाईँको कपाललाई नरम र चम्किलो बनाउनेछ । जाडोमा हप्तामा २–३ पटक कपालमा दही प्रयोग गर्न सक्नुहुन्छ ।

केरा

केरा सुख्खा र चिसो कपालको लागि धेरै लाभदायक मानिन्छ । यसमा पाइने तत्त्वले कपाललाई पोषण दिन्छ । यसलाई प्रयोग गर्न, पाकेको केरा लिनुहोस् । त्यसपछि केरालाई एउटा भाँडोमा राखेर मिच्नुहोस् र यसमा २ चम्चा मह हाल्नुहोस् । यी दुई कुरालाई राम्ररी मिलाउनुहोस् । अब यो मिश्रण आफ्नो कपालमा राम्ररी लगाउनुहोस् । २० मिनेट पछि कपाल धुनुहोस् । तपाईँ यसलाई हप्तामा दुई पटक प्रयोग गर्न सक्नुहुन्छ ।

अण्डा

यदि तपाईँको कपाल धेरै सुख्खा छ भने, अण्डा राम्रो विकल्प हो । अण्डामा पाइने प्रोटिनले कपाललाई पोषण दिन्छ । यसले कपालको सुख्खापन हटाउँछ र हराएको चमक पनि फर्काउँछ । यसका लागि एउटा अण्डा लिनुहोस् र यसलाई राम्रोसँग फिट्नुहोस् । अब यसलाई जरादेखि कपालको टुप्पोसम्म लगाउनुहोस् । करिब आधा घण्टापछि थोरै स्याम्पुले कपाल धुनुहोस् । यसरी हप्तामा २/३ पटकसम्म यो विधि गर्न सक्नुहुनेछ ।

घ्यूकुमारी

घ्यूकुमारी अर्थात् एलोभेरामा मोइस्चराइजिङ्ग गुणहरू थुप्रै छन् । जसले कपालको लागि पनि एकदमै राम्रो काम गर्छ । घ्यूकुमारीले तपाईँको कपालको सुख्खापन हटाउँछ र चमक बढाउँछ । यसका लागि तपाईँले ताजा घ्यूकुमारीको जेल लिनुहोस् । यसलाई आफ्नो कपालमा लगाउनुहोस् । लगभग आधा घण्टापछि कपाल धुनुहोस् । यो तरिका पनि हप्तामा दुई देखि तीन पटकसम्म अपनाउन सक्नुहुनेछ ।

तेल

जाडोमा कपालमा तेल लगाउनाले धेरै हदसम्म सुख्खापन हटाउन सकिन्छ । यसका लागि तोरी, नरिवल वा जैतुनको तेल प्रयोग गर्न सक्नुहुन्छ । तेलले टाउकोमा राम्ररी मालिस गर्नुहोस्।  हप्तामा कम्तीमा दुई पटक तेल लगाउनु पर्छ । यसले कपाललाई बलियो, नरम र चम्किलो बनाउनेछ ।

–एजेन्सीको सहयोगमा


क्याटेगोरी : टिप्स



तपाईको प्रतिक्रिया दिनुहोस


ट्रेण्डिङ