बालबालिकामा औँला चुस्ने लत छ ? हुन सक्छन् यस्ता समस्या 

प्रायः बालबालिकाहरूलाई औँला चुस्ने लत लाग्छ । यो लत धेरै कारणले हुन्छ । आमाबाबुको लापरबाहीले गर्दा बच्चा बढ्दै जाँदा यो बानी हटेन भने चिकित्सकको सल्लाह आवश्यक हुन्छ ।

भोकका कारण पनि बालबालिकालाई औँला चुस्ने लत लाग्न सक्छ । कहिलेकाहीँ आमाको दूधबाट सन्तुष्ट नहुने कारणले पनि यस्तो हुन सक्छ । आमाबाबुले बच्चालाई यो खराब बानीलाई सकेसम्म चाँडो छुटकारा पाउन कसरी मद्दत गर्ने भनेर सोच्नुपर्दछ ।

यो लत धेरै वर्षसम्म बच्चामा रहिरह्यो भने बच्चा धेरै रोगको सिकार बन्न सक्छ । जसका कारण बच्चाले मानसिक विकासदेखि स्वास्थ्यसम्मका धेरै समस्याको सामना गर्नुपर्ने हुन्छ । कतिपय अभिभावकहरूले यसलाई सामान्य रूपमा लिन्छन् तर यसको साइड इफेक्टहरू छन् । जुन स्वास्थ्यको लागि हानिकारक छन् । बच्चाहरूमा औँला चुस्नुका सम्भावित साइड इफेक्टहरू के के हुन सक्छन् भन्ने कुरा जानौं ।

• बच्चाहरू दिनभर खेल्छन् र सबै प्रकारका चीजहरू हातमा समात्छन् । हातबाट धेरै किसिमका कीटाणु र हानिकारक ब्याक्टेरियासँगै मुख भित्र पसेर विभिन्न रोगको सिकार हुने गर्दछ ।
• औँला चुस्ने बालबालिकामा खानपानमा रुचि बढ्छ । उनीहरू लगातार आफ्नो औँला चुसाउन चाहन्छन् ।
• औँला चुस्ने बालबालिकाको मानसिक विकास पनि ठिकसँग हुँदैन । यसको मूल कारण के हो भने बच्चा सधैँ औँला चुस्नमा केन्द्रित हुन्छ र हुर्कँदै जाँदा उसले अन्य कुराहरू खोज्न नसक्ने र मानसिक रूपमा कमजोर हुँदै जान्छ ।
• आफ्नो औँला चुस्ने बच्चालाई प्रायः सङ्क्रमण हुन्छ । औँला चुस्ने बालबालिका प्रायः पेटको रोगबाट ग्रस्त हुन्छन् ।
• औँला चुस्ने बच्चाको औँला पातलो हुन्छ र ओठ पनि बाक्लो भएर झुन्डिन्छ ।

–एजेन्सीको सहयोगमा