कोभिड—१९ सन्त्रासः होलीमा जोखिमपूर्ण कार्य नगर्न गृहको आग्रह

काठमाडौं—गृह मन्त्रालयले होलीमा कोभिड—१९ को संक्रमणका लागि जोखिमपूर्ण हुने कार्य नगर्न आग्रह गरेको छ ।

शनिबार गृहले एक विज्ञप्ति जारी गर्दै भिडभाड र भेला जम्मा हुने, लोलापानी फ्याक्ने, शरीरमा रंग, अविर दल्ने, कार्य पनि जोखिमपूर्ण नै हुने भन्दैं कार्य गर्न नगराउन आव्हान गरेको हो ।

गृहले कोभिड—१९ का सम्बन्धमा उत्पन्न गरिएका विभिन्न प्रकारका हल्ला र प्रचारबाजीका पछाडि नलागी स्वास्थ्य तथा जनसंख्या मन्त्रालयले प्रदान गर्दै आएका सूचनाद्वारा आम नागरिकमा सचेतना फैलाउने तथा सजगता अपनाउने कार्यमा सबैको सहयोगको अपेक्षा गरेको जनाएको छ ।