ॐले सुरु गर्यो ज्वरो क्लिनिक, कोविड संकास्पद उपचारलाई छुट्टै आइसोलेसन

काठमाडौं -चावहिलमा रहेको ॐ हस्पिटल एण्ड रिसर्च सेन्टरले (कोभिड(१९) कोरोना भाइरसका शंकास्पद बिरामीकालागि बिशेष ब्यवस्था गरेको जनाएको छ ।

अस्पतालले छुट्टै इमर्जेन्सी स्क्रीनिङ रुम, फिवर क्लिनिक र आइसोलेशन तयारी गरेको हो । अस्पतालका अधिकारीहरुको आकस्मिक बैठकले तत्काल राज्यको निर्देशन अनुसारको ब्यवस्था गर्ने निर्णय लिएको प्रवन्ध संचालक बाबुकाजि कार्की द्धारा हस्ताक्षरीत विज्ञप्तीमा उल्लेख छ । विज्ञप्तीमा शंकास्पद कोविड १९का बिरामीहरुकालागि बिश्व स्वास्थ्य संगठनले तोकेको बिशेष प्रोटोकल अनुसार ब्यबस्था गरिएको समेत जनाइएको छ ।

ॐ ले ३ बेडको इमर्जेन्सी स्क्रिनिङ रुम, बिशेष फिवर क्लिनिकको ब्यवस्था गरिएको र ८ बेडको सुबिधा सम्पन्न आइसोलेशन वार्ड स्थापना गरिएको कार्कीले जानकारी दिए ।

गत साता काठमाडौंका एक शंकास्पद कोरोना संक्रमित बिरामीको आइसोलेशनमा राखी उपचार गरेर मगरीएको समेत विज्ञप्तीमा उल्लेख छ । ति शंकास्पद विरामीको थ्रोटस्वाव परिक्षणका लागि टेकुस्थित राष्ट्रिय जनस्वास्थ्य प्रयोगशाला पठाइएको र स्याम्पल नेगेटिभ आएपछि बुधवार डिस्चार्ज भई घर फकिएको उल्लेख छ ।