स्वास्थ्यकर्मीमाथि कुटपिट गर्ने प्रहरीलाई कारवाही गर्न संघको माग

काठमाडौँ – स्वास्थ्य सेवा प्रवाह गर्ने क्रममा स्वास्थ्यकर्मीमाथि कुटपिट देखि लाठी चार्जमा संलग्न भएका प्रहरीलाई छानविन गरी कानुनी कारवाही गर्न हेल्थ असिष्टेन्ट संघले माग गरेको छ। विहिबार विज्ञप्ति जारी गरी संघले स्वास्थ्यकर्मीले अवागत गराउँदा समेत प्रहरीले हातपात र दुर्व्यहार गरेको भन्दै कारवाही गर्न माग गरेको हो।

सुनसरी धरानमा बुधबार विहान स्वास्थ्य सेवामा खटिरहेका हेल्थ असिष्टेन्ट चन्द्र प्रकाश खनालमाथि प्रहरीले कुटपिट गरेको थियो।

कोभिड १९ को महामारीले गर्दा बनेको विषम परिस्तिथिमा जीवन र मरणकोबीच खटिएका संघका क्रियाशील तथा धरान नगरपालिका अन्तर्गत विष्णु पादुका स्वास्थ्य चौकीका हेल्थ असिष्टेन्ट चन्द्र प्रकाश खनालमाथि भएको दुखद घटना प्रति हेल्थ असिष्टेन्ट संघ नेपाल (हान) जिल्ला कार्य समितीको गम्भीर ध्यानकार्षण भएको विज्ञप्तिमा उल्लेख छ।