श्रम तथा रोजगारमन्त्री रामेश्वर राय यादवलाई हृदयघात, अवस्था सामान्य

काठमाडौं—श्रम तथा रोजगारमन्त्री रामेश्वर राय यादव हृद्धयघात भएपछि बाँसबारीस्थित शहीद गंगालाल हृदयरोग केन्द्रमा भर्ना भएका छन् । बिहीबार विहान १० बजे यादवलाई अस्पतालमा भर्ना गरिएको हो ।

अस्पतालका कार्यकारी निर्देशक डा. चन्द्रमणि अधिकारीले मन्त्री यादवलाई अस्पताल भर्ना गरिएको पुष्टी गरे । ‘मुटुमा समस्या भएका कारण उहाँ अस्पताल भर्ना हुनुभएको छ,’ उनले भने, ‘हामीले उपचार गरिरहेका छौं ।’

स्रोतकाअनुसार मन्त्री यादवको एन्जीयोग्राफी गरिएको छ र उनको स्वास्थ्य अवस्था सामान्य छ । मन्त्री यादवलाई अहिले क्याबिनमा सारिसकिएको छ ।