काठमाडौं मेडिकल कलेज शिक्षण अस्पताल अनिश्चितकालको लागि बन्द

काठमाडौं–काठमाडौं मेडिकल कलेज शिक्षण अस्पताल सिनामंगलका तीन जना स्वास्थ्यकर्मीमा कोभिड-१९ पुष्टि भएसँगै अस्पताल अनिश्चितकालको लागि बन्द भएको छ ।

कलेजले विज्ञप्ती जारी गरी आकस्मिकलगायतका सबै विभागमा संक्रमण निर्मुलीकरण गर्नुपर्ने भएको भन्दै तत्काललाई सबै सेवा बन्द भएको जानकारी गराएको हो ।

‘अस्पतालका दुई जना स्वास्थ्यकर्मी र दुई जना बिरामीमा कोभिड-१९ पोजेटिभ देखिएको हुँदा संक्रमण जोखिमका दृष्टिकोणले हाललाई यस अस्पतालबाट प्रवाह हुने आकस्मिकलगायतका विभागहरुमा निर्मुलीकरण गर्नुपर्ने अवस्था आएकोले सम्पूर्ण सेवाहरु अर्को सूचना प्रकाशित नभएसम्मको लागि स्थगित गरिएको छ,’ सूचनामा भनिएको छ ।