गंगालालमा उपचाररत ७ जनामा बिरामीमा कोरोना संक्रमण पुष्टि

काठमाडौं-गंगालाल हृदयरोग केन्द्रमा उपचाररत ७ जना बिरामीमा कोरोना भाइरस (कोभिड-१९) पोजेटिभ देखिएको छ । इपिडिमियोलोजी तथा रोग नियन्त्रण महाशाखाका निर्देशक डा. वासुदेव पाण्डेले गंगालालमा उपचाररत ७ जना बिरामीमा कोरोना संक्रमण देखिएको बताए ।

गंगालाल अस्पतालका निर्देशक डा. चन्द्रमणि अधिकारीले अस्पतालका उपचाररत ७ जना बिरामीमा कोरोना भाइरसको संक्रमण पुष्टि भएको बताउँदैं अहिले उनीहरुलाई इडिसिडीमार्फत अन्य अस्पतालमा पठाइएको बताए ।

अस्पतालमा कोरोना संक्रमण पुष्टि भएपछि गंगालालले एक विज्ञप्ति निकाल्दैं तत्काललाई आकस्मिक सेवाबाहेकका अन्य सबै सेवा बन्द गरेको जनाएको छ ।