फर्टिलिटी सोसाइटी अफ नेपालद्धारा डा. कार्कीकाे स्वास्थ्यलाभको कामना

काठमाडौ – विराट मेडिकल कलेजका संचालक डा. ज्ञानेन्द्रमानसिंह कार्कीको चिकित्सकहरुले स्वास्थ्य लाभको कामना गरेका छन् । वरिष्ठ स्त्री तथा प्रसूति रोग विशेषज्ञहरुको छाता संगठन फर्टिलिटी सोसाइटी अफ नेपालले डा. कार्कीको स्वास्थ्यलाभको कामना गरेको हो ।

डा कार्कीलाई कोरोना पुष्टि भएपछि थप उपचारका लागि काठमाडौ ल्याइएको छ । संगठनका वरिष्ठ उपाध्यक्ष समेत रहेका कार्कीको शिक्षण अस्पताल महाराजगञ्जमा उपचार भइरहेको डा. सन्तकुमार दासले बताए ।

फर्टिलिटी सोसाइटी अफ नेपालका अध्यक्ष डा भोला रिजालले कार्कीको स्वास्थ्य अवस्था सामान्य रहेको बताए । उनले केही दिनमा डा. कार्कीको स्वास्थ्य अवस्था पूर्णरुपमा ठिक हुने विश्वास लिएको जानकारी दिए ।