२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ एकैदिन अहिलेसम्मकै बढी १२२१ जनामा कोरोना संक्रमण पुष्टि

एकैदिन अहिलेसम्मकै बढी १२२१ जनामा कोरोना संक्रमण पुष्टि


काठमाडौं—काठमाडौं उपत्यकामा ४२९ सहित थप १२२१ जनामा कोरोना भाइरस (कोभिड—१९) को संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा १२२१ जनामा कोरोना संक्रमण पुष्टि भएको हो ।

जुन एकैदिन पुष्टि भएको अहिलेसम्मकै बढी हो ।

काठमाडौंमा ३७२ जना, भक्तपुरमा १२ जना र ललितपुरमा ४५ जनामा कोरोना संक्रमण पुष्टि भएको हो ।

१२२१ जना नयाँ संक्रमित थपिएसँगै नेपालमा अहिलेसम्म संक्रमित हुनेको संख्या ३८ हजार ५ सय ६१ पुगेको छ ।

पछिल्लो २४ घण्टामा २६७ जना कोरोना संक्रमित निको भएर घर फर्किएका छन् । अहिलेसम्म निको भएर घर फर्किनेको संख्या २० हजार ८ सय २२ पुगेको छ ।

मन्त्रालयकाअनुसार पछिल्लो २४ घण्टामा देशभर ४ जना महिला र १० जना पुरुषको निधन भएको छ । यससँगै नेपालमा कोरोनाबाट मृत्यु हुनेको संख्या २२१ जना पुगेको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ