करारका चिकित्सक तथा स्वास्थ्यकर्मीको करार अवधि पुस मसान्तसम्म थपिने

काठमाडौं—स्वास्थ्य तथा जनसंख्या मन्त्रालयले करारमा रहेका चिकित्सक तथा स्वास्थ्यकर्मीहरुको करार अवधि पुस मसान्तसम्म थप्ने भएको छ । मन्त्रालयका प्रशासन महाशाखा प्रमुख रघुराम विष्टले कोभिड—१९ का कारण सबैको करार अवधि पुस मसान्तसम्म थप गरिने बताए ।

छात्रवृत्तिमा अध्ययन गरेर मन्त्रालयसँगको करारअनुसार काम गरिरहेका चिकित्सकहरुको करार सकिएको भएपनि पुस मसान्तसम्मकै लागि मन्त्रालय थप गरेको छ ।

यस्तै, स्वीकृत दरबन्दी रिक्त रहेको स्वास्थ्य संस्थामा संस्था आफैले छोटो प्रतिस्पर्धाका आधारमा जनशक्ति भर्ना गर्न सक्ने निर्णय स्वास्थ्य मन्त्रालयले गरेको छ ।

समायोजन भएका तथा पदस्थापन भइनसकेका स्वास्थ्यकर्मीलाई पहिल्यै काम गरिरहेको स्थानमा नै काम गर्न मन्त्रालयले निर्देशन जारी गरेको छ ।