न्यूरोले कोभिड केयर सेन्टर संचालनमा ल्याउँदै

विराटनगर—विराटनगरस्थित न्यूरो हस्पिटलले कोभिड केयर सेन्टर सञ्चालनमा ल्याउने भएको छ । कोभिड—१९ का बिरामीहरुको उपचारका लागि सेन्टर सञ्चालनमा ल्याउन लागिएको हो ।

विगतमा जस्तो न्यूरो हस्पिटलले यस पटक छट्टै कोभिड उपचार केन्द्र नखोल्ने भएको छ । कोभिडका बिरामीको उपचार गरेको खर्च पनि नउठने गरेर राज्यले पैसा दिएको भन्दैं न्यूरोले १५ देखि २० शैय्याको न्युरो कोभिड केयर सेन्टर सञ्चालनमा ल्याउन लागेको हो ।

‘न्यूरोमा भर्ना भएका बिरामीलाई संक्रमण देखिए त्यस्ता बिरामीको उपचारको लागि केयर सेन्टर खोल्ने तयारी गरिएको छ,’ हस्पिटलका अपरेशनल डाइरेक्टर राजेश भट्टराईले भने, ‘अबको एक साता भित्र वार्ड तयार गरेर कोरोना संक्रमण भएका बिरामीको उपचार थाल्नेछौं ।’

यसअघि न्यूरो हस्पिटलले आईसीयुसहितको छुट्टै ५१ शैय्याको कोभिड उपचार केन्द्र संचालनमा ल्याएको थियो । जसमा ७ शैय्याको आईसीयु, २ भेन्टिलेटर र ४२ शैय्या जनरल रहेको थियो ।