बुटवलको कोरोना अस्पतालमा थप ४ जना संक्रमित मृत्यु

बुटवल-लुम्बिनी प्रादेशिक अस्पताल कोरोना अस्थायी विषेश अस्पताल धागो कारखाना बुटवलमा उपचाररत ४ जना कोभिड-१९ का बिरामीको मृत्यु भएको छ ।

चार जना संक्रमितको उपचारकै क्रममा मृत्यु भएको अस्पताका सूचना अधिकारी डा. विष्णु गौतमले जानकारी दिए ।

बुधबार बिहान ३ जनाको मृत्यु भएको छ । एक जनाको भने मंगलबार राति मृत्यु भएको थियो । मंगबार राति मृत्यु भएका ४७ वर्षीय पुरुष बुटवल-१२ का हुन् ।

त्यस्तै, बैशाख १९ गते अस्पताल भर्ना भएकी कञ्चन गाँउपालिका-४ की २७ वर्षीया महिलाको र १८ गते भर्ना भएकी बुटवल-९ की ५४ वर्षीया महिलाको पनि बुधबार बिहान मृत्यु भएको छ ।

त्यसैगरी बिहिबार भर्ना भएकी तिलोत्तमा-४ की ४० वर्षीया महिलाको पनि बुधबार विहान मृत्यु भएको डा. गौतमले बताए ।
चारजनाको मृत्यु भएसँगै रुपन्देहीमा संक्रमित मृतकको संखया २ सय २४ पुगेको छ ।