एम्बुलेन्स चालकलाई स्वास्थ्य सामाग्री हस्तान्तरण

विराटनगर-नेपाल औषधी व्यवसायी संघ मोरङ शाखाले एम्बुलेन्स चालकहरूलाई स्वास्थ्य सामाग्री हस्तान्तरण गरेको छ । संघले कोशी एम्बुलेन्स चालक संघलाई स्वास्थ्य सामाग्री हस्तान्तरण गरेको हो ।

फ्रन्टलाइनमा रहेर खटिने एम्बुलेन्स चालकहरूलाई माक्स, सेनिटाइजरलगायका स्वास्थ्य सामाग्री वितरण गरिएको संघका उपाध्यक्ष तथा प्रवक्ता देशबन्धु ढकालले जानकारी दिए ।

संघका अध्यक्ष लक्ष्मी तिम्सिनाले स्वास्थ्य सामाग्री कोशी एम्बुलेन्स चालक संघका अध्यक्ष अशोककुमार यादवलाई हस्तान्तरण गरेका थिए ।

यसअघि पनि संघले सुरक्षाकर्मी, पत्रकार र ज्येष्ठ नागरिकहरूलाई पनि स्वास्थ्य सामाग्री वितरण गरिसकेको छ ।