एमबिबिएस परीक्षामा केयूको लापरबाहीः तत्काल छानबिन गरि प्रतिवेदन बुझाउन आयोगको निर्देशन

काठमाडौं । काठमाडौं विश्वविद्यालयले लिएको एमबिबिएसको प्रवेश परीक्षामा भएको लापरबाहीका विषयमा तत्काल छानबिन गरि दोषीलाई कारबाही गर्न राष्ट्रिय चिकित्सा शिक्षा आयोगले विश्वविद्यालयलाई निर्देशन दिएको छ । साथै, सो त्रुटीमा संलग्न व्यक्तिलाई तत्काल कारबाही गर्न आयोगले पत्र पठाएको छ ।

केयू अन्तर्गतको चिकित्साशास्त्र अध्ययन संस्थान डिन कार्यलयले प्रकाशित गरेको एमबिबिएस प्रवेश परीक्षको नतिजामा चित्त नबुझेपछि विद्यार्थीहरुले पुनर्योगको लागि निवेदन दिएका थिए । पुनर्योगमा फेल भएका विद्यार्थी पास भएका थिए भने पास भएका विद्यार्थी फेल भएका थिए ।

सो परीक्षफल प्रकाशित लापरबाही तरिकाले भएको भन्दै विद्यार्थीले केयूमा उजुरी गरेका थिए । परीक्षामा लापराबाही भएको पाइएपछि राष्ट्रिय चिकित्सा शिक्षा आयोगले छानबिनका लागि बुधबार निर्देशन दिएको हो । विद्यार्थीले केयुका पद्दाधिकारी र परीक्षमा संलग्न अन्य व्यक्तिले आर्थिक प्रलोभनमा परेर परीक्षाफल विगारेको आरोप लगाउदै आएका छन् ।