आरुस लाइफ स्टाइल अस्पतालले मधुमेह दिवसमा वाकाथुन गर्ने

ललितपुर– कुपण्डोलमा रहेको आरुस लाइफ स्टाइल अस्पतालले विश्व मधुमेह दिवसको अवसर पारेर बाकाथुन आयोजना गरेको छ । ललितपुरको मंगलबजार बाट सुरु हुने वाकाथुन काठमाडौ माइतिघर मण्डलामा आएर समापन हुने अस्पतालका प्रमुख कार्यकारी अधिकृत डा सन्तोष शाक्यले जानकारी दिए ।

ललितपुर महानगरपालिकाका प्रमुख चिरिबाबु महर्जनको प्रमुख आतिथ्यतामा हुने सो कार्यक्रमको सन्देश फो के वाक फर हेल्थ, डोनेट फर कज भन्ने रहेको छ ।

खानपान, शारिरीक व्ययम र परिवर्तित जिवन शैलीले मधुमेहको जोखिम कम गराउन सकिन्छ भन्ने सन्देशको लागि यो वाकाथुन गर्न लागिएको डा शाक्यले बताए । सो कार्यक्रम मधुमेह तथा इन्डोक्राइनोलोजी एसोसिएसन अफ नेपाल, प्रज्ञा फाउन्डेसन नेपाल, साउथ एसियन फेडेरेसन अफ इन्टोक्राइन सोसाइटीज र रोटरी क्लब अफ एल को सहकार्यमा हुने अस्पतालले जनाएको छ ।