बालिका बेच्न खोजेको आरोपमा स्वयंमसेविकासहित तीन जना पक्राउ

कैलाली–कैलालीमा बालिका बेचबिखन गर्न खोजेको आरोपमा स्वयंमसेविकासहित तीन जनालाई प्रहरीले पक्राउ गरेको छ । जिल्लाको चुरे गाँउपालिका सहजपुरबाट उनीहरुलाई पक्राउ गरिएको फल्टुडे प्रहरीले जनाएको छ ।

चुरे गाँउपालिका वडा नम्बर ६ गजारकी स्वयमंसेविका कल्पन्ना भनिने कलावती बोहरा, डोटीको शिखर नगरपालिका वडा नम्बर ३ कापदम ताम्राकार र डम्बरी ताम्राकारलाई फल्टुडे प्रहरीले पक्राउ गरेको प्रहरी निरिक्षक माधव विश्वकर्माले बताए ।

उनीहरुमाथि चुरे गाँउपालिका वडा नम्बर ६ की १३ वर्षीया बालिकालाई विवाहको बहानामा बेच्न खोजेको आरोप लागेको छ । सहजपुरबाट पक्राउ परेका उनीहरुलाई जिल्ला प्रहरी कार्यालय कैलाली पठाइएको प्रहरी निरिक्षक विश्वकर्माले बताए ।