काठमाडौं ४ मा पूर्व स्वास्थ्यमन्त्री गगन थापा जित नजिक

काठमाडौं—काठमाडौं ४ मा पूर्व स्वास्थ्यमन्त्री गगनकुमार थापा जित नजिक पुगेका छन् । नेकपा एमालेका उम्मेदवार राजन भट्टराईसँग फराकिलो मतान्तर बनाएसँगै उनी लगभग जित नजिक पुगेका छन् ।

नेपाली कांग्रेसका महामन्त्रीसमेत रहेका थापाले १९ हजार १४ मत ल्याएका छन् । उनका प्रतिद्वन्द्वी नेकपा एमालेका उम्मेदवार राजन भट्टराईले १३ हजार २३ मत पाएका छन् ।

४ हजार ८ सय ८१ मत गन्न बाँकी हुँदा थापाले ५ हजार बढीले लिड गरेपछि लगभग उनको जित सुनिश्चित भएको हो ।

थापाले आफूलाई यो निर्वाचनमा विजयी भए प्रधानमन्त्रीका दावेदारका रुपमा पार्टीको संसदीय दलको निर्वाचन लड्ने र जितेमा प्रधानमन्त्रीमा दावी गर्ने बताउँदैं आएका छन् ।