प्रोपिलिन ग्लाइकोल, पोलियाथलिन् ग्लाइकोल मिसिएका औषधीमा प्रतिबन्ध

औषधी व्यावसायीलाई बच्चाहरुमा प्रयोग हुने झोल औषधीको मिश्रण जाँच गरेर मात्र औषधीको विक्रि वितरण गर्न औषधी विभागले एक सुचना जारी गरेको छ । प्रोपिलिन ग्लाइकोल, पोलियाथलिन् ग्लाइकोल, सविटल र ग्लिसरीन मिसिएका औषधी नेपालमा दर्ता नभएको र यी औषधीले मानवस्वास्थ्यमा असर गर्ने प्रमाणित भएको भन्दै औषधी व्यवस्था विभागले नेपालमा विक्रिवितरणमा प्रतिबन्ध लगाएको छ ।

जारी गरिएको सुचनामा जाम्बिया तथा इन्डोनेसियाका बच्चाहरुको उपचारका लागि प्रयोग हुने झोल औषधीमा विषाक्त रसायनहरुको मिसावट भएका कारण बच्चाहरुको मृगौलामा असर पुगि मृत्यु भएकोबारे विश्व स्वास्थ्य संगठनले पुष्टि गरेको बारे बताइएको छ ।

त्यस्तै भारतमा रहेको मेइडेन फार्मास्युटिकल्स लिमिटेडद्धारा कोफेक्सम्यालिन् बेबी कफसिरप, म्याकोफ बेबी कफ सिरप, म्याग्रिप एन कोल्ड सिरप लगायतका झोल औषधी उत्पादन भइरहेको र यस कम्पनिका उत्पादन तथा स्वयम् उत्पादक कम्पनि पनि औषधी व्यवस्था विभागमा दर्ता नभएको औषधी विभागले जानकारी गराएको छ ।