कालिकोटको पलाँताका ७७ जनाको आँखाको ज्योति फर्कियो

वीरेन्द्रनगर– कालिकोट जिल्लाको पलाँता गाउँपालिकामा ७७ जना आँखाका बिरामीको शल्यक्रिया गरिएको छ । जिल्ला आँखा उपचार केन्द्र कालिकोट र नेत्र ज्योति सङ्घ कालिकोटको समन्वयमा सञ्चालन भएको आँखा शिविर भएको थियो ।

उक्त शिविरबाट मोतीबिन्दु भएका ७७ जनाको आँखाको ज्योति फकिएको हो । ३९ जना महिला र ३८ जना पुरुष गरी ७७ जनाको मोतियाबिन्दुको शल्यक्रिया गरिएको स्वास्थ्य शाखाका कर्मचारी विनोद न्यौपानेले बताए ।

गाउँपालिकामा आँखाका बिरामी धेरै भएकाले शिविर सञ्चालनका लागि हिमालय आँखा अस्पताल पोखराको सहयोगमा शिविर सञ्चालन गरिएको गाउँपालिका अध्यक्ष विष्णुबहादुर रोकायाले बताए ।

शिविरमा तीन सयभन्दा बढीले आँखा जाँच गरिएको थियो । त्यसमध्ये ७७ जनाको आँखाको शल्यक्रिया गरेर नयाँ ज्योति पाएको गाउँपालिका अध्यक्षको भनाई छ ।