बालकुमारी प्रदर्शनका घाइतेको किष्ट अस्पतालमा मृत्यु

काठमाडौं—ललितपुरमा प्रदर्शनमा घाइते भएका एक जनाको किष्ट अस्पतालमा मृत्यु भएको छ । शुक्रबार बालकुमारी भएको प्रदर्शनमा अचेत भेटिएका दैलेखका २३ वर्षीय सुजन राउतको किष्ट अस्पतालमा मृत्यु भएको अस्पतालले पुष्टि गरेको छ ।

अस्पतालका चिफ अफ अपरेसन अमिस पाठकका राउतलाई १२ः४० बजे अस्पताल ल्याइएको र सिपीआर गर्दा सफल नभएको बताए । अस्पतालले राउतलाई १ः१७ मिनेटमा मृत घोषणा गरेको थियो । उनको छातीमा डाम रहेको डा. पाठकले जानकारी दिए । मृत्यु कारण भने खुलिसकेको छैन ।

शुक्रबार विहान दक्षिण कोरियाका लागि रोजगार प्रणाली (इपीएस) परीक्षाको फारम भर्न नपाएपछि तीब्र प्रदर्शन भएको थियो । प्रदर्शनकै क्रममा घाइते भएका अर्का एक जनाको पाटन अस्पताल उपचार भइरहेको छ ।

भौतिक पूर्वाधार तथा यातायात मन्त्री प्रकाश ज्वालाको बा २ झ ५८६१ नम्बरको गाडीमा पनि प्रदर्शनकारीहले हावा खुस्काएका थिए । लगतै, उनीहरुले उक्त गाडीमा आगजनी गरेका थिए ।