नेपाली चिकित्सकको ‘अस्वभाविक अंक’ देखिएको भन्दैं युएसएमएलईको नतिजा रद्ध

काठमाडौं—नेपाली चिकित्सकहरुको ‘अस्वभाविक अंक’ देखिएको भन्दैं युनाइटेड स्टेट्स मेडिकल लाइसेन्सिङ एक्जामिनेसन (युएसएमएलई)ले नतिजा रद्ध गरेको छ । सन् २०२३ मा नेपालबाट परीक्षामा सहभागी चिकित्सकहरुको नतिजामा अस्वभाविक अंक देखिएको ठहर गर्दै उसले परीक्षाको नतिजा रद्ध गरेको हो ।

उसले नेपालबाट सहभागी परीक्षार्थीहरुले असामान्य रुपमा राम्रो प्रदर्शन गरेको, राम्रो अंक प्राप्त गर्ने तरिका समान देखिएको, सबैं परीक्षार्थीको प्रश्नपत्रमा एउटै ढाँचा देखिएको र यसले परीक्षाको वैद्यतामाथि प्रश्न उठाएको भन्दैं यसमाथि अनुसन्धान थालिएको समेत उल्लेख गरेका छ ।

युएसएमएलईले परीक्षार्थीहरुको प्रश्नपत्रमाथि अनधिकृत पहुँचको आंशका समेत गरेको छ । यसबाट युएसएमएलईको विभिन्न स्टेपका परीक्षामा सहभागी विद्यार्थीहरु प्रभावित हुनेछन् ।

चिकित्सकहरुकाअनुसार कसैको स्टेप वान, कसैको स्टेप टु त कसैको स्टेप थ्रीको परीक्षा रद्ध गरिएको हुन सक्ने देखिएको छ ।