डा. रमेशसिंह भण्डारीले ल्याए नयाँ गीत ‘कसरी भनुँ म…’

काठमाडौं—त्रिवि शिक्षण अस्पतालका कलेजो तथा ग्यास्ट्रो सर्जन डा. रमेशसिंह भण्डारीले ‘कसरी भनुँ म…’ बोलको नयाँ गीत सार्वजनिक गरेका छन् । शुक्रबार युट्युबमार्फत सार्वजनिक गीतमा उनको मधुर श्वर सुन्न सकिन्छ ।

शब्द, संगीत र अभियन डा. भण्डारी स्वयंमको रहेको छ । एरेन्ज, मिक्सिङ र माष्टर भने प्रदीप जोशीले गरेका छन् ।

निर्देशन भने अनिल के मानन्धरले गरेका हुन् । काठमाडौं वरपरका सुन्दर दृश्यहरु कैद गरिएको गीतमा ड्रोन अविनाश मानन्धरले चलाएका हुन् भने सम्पादन तथा कलर मनोज कार्कीको रहेको छ ।

बिरामी उपचार र शल्यक्रियासँगै संगीत कर्ममा रमाइरहेका डा. भण्डारीको यो सातौं गीत हो ।