पशु स्वास्थ्य शिविरमा २५०० बढी पशु चौपायाको उपचार

वीरेन्द्रनगर—सल्यान त्रिवेणी गाउँपालिका–३ पिमखोलामा भएको निःशुल्क पशु स्वास्थ्य शिविरमा २ हजार ५ सय बढी पशु चौपायाको उपचार गरिएको छ । निःशुल्क शिविरमा २ हजार ५ सय ५५ पशुचौपयाको उपचार तथा औषधी वितरण गरिएको त्रिवेणी गाउँपालिकाले जनाएको छ ।

शिविरमा १ सय ४ जना कृषकका १ हजार १० बाख्रा, १ हजार २ सय ६९ कुखुरा, १ सइ २५ गाई गोरु, ५८ भैसीलाई निःशुल्क उपचार तथा औषधि वितरण गरिएको त्रिवेणी गाउँपालिका पशु सेवा शाखा प्रमुख बसन्त रावतले बताए । उनका अनुसार २३ कुकुरमा रेविज विरुद्धको खोप लगाइएको छ ।

दूरदराजमा रहेका कृषकहरुलाई गाउँ वस्तीमै पुगेर सेवा प्रदान गर्ने उद्देश्यका साथ पालिकाको केन्द्रकाट टाढा रहेका वस्तीहरुमा पुगेर शिविर सञ्चालन गरिएको रावतको बताए । अर्को शिविर फागुन ९ गते वडा नं. ६ को भुम्केज्युलामा सञ्चालन गरिने उनले जानकारी दिए ।