कोशी प्रदेशले माग्यो ६२ जना स्कुल नर्स

काठमाडौं–कोशी प्रदेश सरकारले प्रदेशअन्तर्गतका १४ जिल्लाका ६२ स्थानीय तहका लागि स्कुल नर्स माग गरेको छ ।

मंगलबार कोशी प्रदेश स्वास्थ्य मन्त्रालय प्रदेश स्वास्थ्य निर्देशकनालयले सार्वजनिक सूचना जारी गरेर तोकिएका ६२ पालिकामा १ जना पर्ने गरी आवेदन खुल्ला गरेको हो ।

१५ दिनमा आवेदन आह्वान गरी खोलिएको सो सूचनामा लिखित र मौखिक दुवै परीक्षा हुने उल्लेख गरिएको छ । छनौट भएका नर्सको करार अवधि २०८१ असार मसान्तसम्म रहने उल्लेख छ ।