सुरक्षित गरिएको भ्रुणलाई बच्चा नै मानिने अमेरिकी अदालतको फैसला

अल्बामा-अमेरिकाको अल्बामा राज्यको सुप्रिम कोर्टले एक फैसलामा फ्रोजन एम्ब्रीयो अर्थात सुरक्षित गरिएको भ्रुणलाई बच्चा नै मानिने फैसला गरेको छ । यदि एम्ब्रीयोलाई कसैले नष्ट गरेमा उसलाई दोषी ठहराउँदैं केस चलाइनेछ ।

अब यो फैसलामाथि विवाद सुरु भएको छ । केही मानिसहरुको भनाइमा यो हजारौं वर्षपछि फर्किनुजस्तै हो । केही मानिसहरु मान्छन् कि यसबाट भ्रुण हत्याजस्तो अपराधलाई रोक्न सकिनेछ ।

यो फैसलाका कारण राज्यमा कयौं आईभीएफ (इन भिट्रो फर्टिलाइजेसन) सेन्टर हुन सक्छन् ।

युएनमा अमेरिकी पूर्व राजदूत तथा रिपब्लिकन पार्टीको तर्फबाट प्रेसिडेन्सियल उम्मेदवारको दौडमा रहेकी निकी हेलीले अल्बामा राज्यको सुप्रिम कोर्टको उक्त फैसलालाई स्वागत गरेकी छन् ।

एनबीसीलाई दिएको एक अन्तर्वार्तामा साउथ क्यारोलिनाका पूर्व गर्भनरसमेत रहेकी उनले भनिन्, ‘मेरा लागि भ्रूण भनेको बच्चा नै हो । यो फैसला सही छ र यसको समर्थन गर्छु ।’