डा केसीको जीवन रक्षा गर्न नेपाल चिकित्सक संघको माग

काठमाडौं- चिकित्सा शिक्षा क्षेत्र सुधारको माग गर्दै १७ औं पटकको आमरण अनशनमा रहेका डा. गोविन्द केसीको जीवन रक्षा गर्न नेपाल चिकित्सक संघले माग गरेको छ ।

सोमबार संघका महासचिव लोचन कार्कीले एक विज्ञप्ती जारी गर्दै डा. केसीको जीवन रक्षार्थ वार्ता गर्न सरकारसँग माग गरेका हुन् ।

विज्ञप्तीमा समस्या समाधानमा ठोष पहल गर्न माग गर्दै डा केसी र सरकारबीच विगतमा भएका सम्झौताहरुको अक्षरस पालना गर्नु सरकारको दायित्व भएको पनि संघले ठहर गरेको छ ।

१७औं पटकको आमरण अनशनका लागि डा केसी डडेल्धुरा पुगेका छन् ।