२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ डा. सुन्दर प्रसाद ह्योजु प्रहरी अस्पतालको निर्देशक बन्दैं

डा. सुन्दर प्रसाद ह्योजु प्रहरी अस्पतालको निर्देशक बन्दैं


काठमाडौं—महाराजगंजस्थित १५० शैय्याको नेपाल प्रहरी अस्पतालको नेतृत्व डा. सुन्दर प्रसाद ह्योजुले गर्ने भएका छन् । आइतबार बसेको गृह मन्त्रालय बढुवा समितिको सचिवालय बैठकले डा. ह्योजुलाई स्वास्थ्य उपसमूहतर्फको प्रहरी अतिरिक्त महानिरिक्षक (एआईजी)मा बढुवा गर्ने सिफारिस गरेसँगै उनको प्रहरी अस्पतालको कमाण्ड लिने बाटो खुला भएको हो ।

प्रहरी नियमावली, २०७१ (संशोधन सहित) को नियम २७ को उपनियम (४) अनुसार बढुवा सिफारिस सूची प्रकाशित गरिएको सचिवालयले जनाएको छ ।

नेपाल प्रहरीको अस्पतालको निर्देशक एआईजी रहने व्यवस्था छ । अस्पतालकी तत्कालीन निर्देशक डा. आशा सिंहले चार महिनाअघि अवकाश पाएकी थिइन् ।

प्रहरी अस्पतालमा चार महिनादेखि निर्देशक पद रिक्त छ । हाल डिआईजी डा. ह्योजुले नै निमित्तका निर्देशकको रुपमा अस्पतालको कमाण्ड सम्हालिरहेका छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ