प्रधानमन्त्री केपी शर्मा ओली अस्वस्थ

काठमाडौं—प्रधानमन्त्री केपी शर्मा ओली अस्वस्थ भएका छन् । सोमबार साँझदेखि अस्वस्थ भएपछि प्रधानमन्त्रीले अत्यावश्यक बाहेकका सबै कार्यक्रम र भेटघाट रद्ध गरेका छन् ।

ओलीलाई सामान्य ज्वरोको समस्या देखिएको प्रधानमन्त्रीको सचिवालयले जनाएको छ । ‘उहाँलाई सामान्य ज्वरो देखिएको छ,’ सचिवालय स्रोतले भन्यो, ‘परीक्षणहरु भइरहेका छन् ।’

हाल उनी प्रधानमन्त्री निवास बालुवाटारमै आराम गरिरहेका छन् ।