काठमाडौं—नेपाल चिकित्सक संघ (एनएमए)को चौथो हेल्थ समिट राजधानीमा सुरु भएको छ । शुक्रबारबाट माइतीघरस्थित कार्की ब्यांकेटमा सुरु भएको समिट भोलिसम्म चल्नेछ ।
‘हेल्थ वियोन्ड द हेल्थ’ भन्ने मुख्य नाराका साथ सुरु भएको समिटको यो चौथो संस्करण हो । यसअघि एनएमएले आफ्नो वार्षिक क्यालेण्डरअनुसार तीन वटा समिटका संस्करणहरु सम्पन्न गरिसकेको छ ।
सम्मेलनले मुलुकको दिगो विकास लक्ष्यलाई लक्षित गरेर स्वास्थ्य रणनीति तयार गर्नेछ । यसैगरी, अनुसन्धानलाई नीति, व्यवहारमा परिणत गर्ने लक्ष्य पनि राखिएको छ । सम्मेलनमा चिकित्सक, विषय विज्ञ तथा सरोकारवालाहरुको सहभागिता छ ।
सम्मेलनमा विभिन्न सेसनमा कार्यपत्रमाथि छलफल हुनेछ ।
